O delegado da Xunta en Ourense, Manuel Pardo, recibiu esta mañá na Delegación Territorial aos participantes ourensáns na Ruta Quetzal 2026. O delegado felicitou ao monitor, Pablo Sal, e ao estudante, Luís Santalices, polo seu gran traballo escolar e mérito, xa que a expedición, que cumpre 36 edicións, selecciona aos seus participantes por excelencia académica.
Manuel Pardo trasladoulles os parabéns pola súa concorrencia neste evento, que rematou o pasado 11 de xullo. A Ruta Quetzal combina a aventura co coñecemento da cultura, a historia e o patrimonio dos lugares polos que transcorre, contribuíndo nesta edición a enxalzar a experiencia xacobea.
Salientou ademais que desde a Xunta se apoian este tipo de proxectos xa que contribúen a “promover e divulgar a ruta xacobea entre a mocidade”, favorecendo o interese das novas xeracións pola cultura e o coñecemento do Camiño de Santiago.
