A interrupción da circulación afectará aos dous sentidos da vía e manterase ata o xoves 9 de xullo. Os traballos desenvolveranse en horario diúrno, concretamente entre as 8.00 e as 19.00 horas, para permitir a execución dos ensaios técnicos necesarios para avaliar o estado da infraestrutura.
A configuración do taboleiro único do viaduto impide habilitar desvíos pola calzada contraria, polo que a Administración autonómica estableceu itinerarios alternativos. O tráfico en sentido Ourense será desviado pola AG-54 e a N-541, mentres que os vehículos que se dirixan cara a Santiago deberán utilizar a N-120 como ruta alternativa.
As probas consistirán na colocación de camións en diversas posicións sobre o taboleiro para analizar a resposta estruturais da ponte. Estes datos permitirán contrastar o comportamento real da infraestrutura co modelo de cálculo técnico previo, garantindo así a seguridade das futuras actuacións de reforzo.
