Unha condutora sufriu feridas nun accidente de tráfico ocorrido na tarde do luns, sobre as 19,50 horas, no municipio ourensán de Esgos. O sinistro tivo lugar no quilómetro 14 da estrada OU-536, onde un turismo envorcou e quedou na marxe da vía, arrastrando unha sinal de tráfico e presentando danos na súa carrozaría.
Tras recibir o aviso de Protección Civil de Esgos, desprazáronse ata o lugar os servizos de emerxencia. Alí atoparon un único vehículo implicado. A condutora, que era a única persoa no coche, xa se atopaba fóra do mesmo cando chegaron os efectivos.
A muller queixábase de dor no pescozo, aínda que non presentaba lesións graves aparentes. Foi atendida no lugar polo persoal de Urxencias Sanitarias e posteriormente trasladada nunha ambulancia.
No operativo de asistencia tamén participaron membros do GES de Pereiro de Aguiar e a Garda Civil de Tráfico, ademais de Protección Civil que foi quen alertou da situación.
