A cidade de Ourense prepárase para acoller este sábado, 6 de xuño, a tradicional "Carreira do Centro", unha competición que forma parte do circuíto "Correndo por Ourense". A carreira dará comezo ás 22:00 horas dende a rúa do Paseo, que tamén será o punto de chegada.

O percorrido da proba atravesará rúas emblemáticas como Xoán XXIII, Progreso, avenida de Pontevedra e Lamas Carvajal, antes de regresar ao Paseo. Este trazado implicará restricións na circulación de tráfico dende as 21:00 horas ata, polo menos, as 23:00 horas.

Esta é a terceira carreira do circuíto "Correndo por Ourense". Os afeccionados á carreira popular terán que agardar ata o domingo 28 de xuño para a seguinte cita, o Trail Oira - San Tomé.