Os axentes do instituto armado interceptaron ao individuo cando estaba a extraer combustible dun buldócer do servizo de extinción de incendios, que se atopaba estacionado sobre o remolque dun camión. O suxeito utilizaba varias garrafas de plástico e unha mangueira para realizar a subtracción.

Segundo informou a Benemérita, o detido forzara previamente o tapón metálico do depósito da máquina para encher as garrafas con gasóleo. Ao decatarse da presenza policial, intentou fuxir e ocultarse nunha zona arbórea próxima, pero foi finalmente localizado e detido polos axentes.

Ademais da detención, a Garda Civil tamén conseguiu localizar o vehículo que o arrestado utilizara para desprazarse ata o lugar dos feitos coa intención de cometer o ilícito. Ao home impútaselle un delito de roubo con forza nas cousas.

Tras a instrución das dilixencias pertinentes, o detido foi posto a disposición da autoridade xudicial competente para os trámites legais correspondentes.