O restaurante D’Nieto foi o epicentro desta celebración, que serviu como broche final á tempada de caza. Os asistentes puideron degustar un amplo menú que incluía pratos elaborados con xabaril, entre outras especialidades.
“"Este ano faltounos xente por diversos problemas persoais e laborais."
A organización destacou o bo ambiente e a calidade da comida, subliñando que esta primeira edición nace como un experimento con vocación de consolidarse nos vindeiros anos, incorporando novidades e buscando unha maior participación. Os promotores do evento, todos eles cazadores do Tecor de Trazo, expresaron o seu desexo de facer crecer a iniciativa.
“"Organizábase aquí pero cada vez viña máis xente de fóra a ela, así que foi cando decidimos apostar por unha festa da caza aberta a todo o que queira apuntarse."
A idea xurdiu a partir dunha comida de caza anual que se celebraba ao finalizar a tempada. Ante o crecente interese de persoas de fóra da localidade, decidiuse transformar a reunión nunha festa aberta ao público. Tras o xantar, a xornada continuou con música e tardeo a cargo de Alberto Show no mesmo local, culminando coa entrega de premios. A alcaldesa de Trazo, quen é natural de Chaián, tamén estivo presente no evento.
