A protesta, que tivo lugar fronte ao dispensario de Sigüeiro, busca reverter a situación que obriga aos residentes a trasladarse aos Puntos de Atención Continuada (PAC) de Santiago ou Ordes durante as fins de semana. Esta medida xera unha carga adicional para unha poboación con alta dispersión e envellecemento, especialmente no rural.
Cando pides unha cita médica no centro de saúde, o normal na última tempada é esperar 15 días. Agora, o centro médico permanece pechado o sábados. Os médicos fixeron folga para defender os seus dereitos. Os pacientes tamén teremos que facer barullo para defender os nosos dereitos. A solución non creo que sexa cerrar centros.
Isabel Míguez, presidenta da asociación de veciños Penateixa de Gándara, subliñou a necesidade de que o centro de saúde estea operativo os sábados para garantir unha atención próxima e eficiente. Os promotores da mobilización lamentaron que os facultativos non se sumasen á protesta, a pesar de que os veciños os apoiaron na defensa dos seus dereitos laborais.
Os afectados insisten en que a iniciativa non ten cor política, senón que se centra na defensa dos dereitos dos veciños. Anunciaron que o vindeiro sábado repetirán a concentración ás 10:30 horas no mesmo lugar, esta vez con pancartas, e están a considerar a recollida de sinaturas para reforzar a súa demanda. Esta problemática tamén afecta a outros centros de saúde da comarca, como os de Carnota, O Porto do Son ou Mazaricos.
