O xerente do Consorcio Galego de Servizos de Igualdade e Benestar, Perfecto Rodríguez, asistiu na localidade de Ordes, na Coruña, á tradicional Xuntanza dos Maiores. Alí, destacou o papel desta iniciativa na promoción da participación social da veciñanza.
Segundo indicou Rodríguez, esta celebración non só promove a confraternización entre as persoas maiores, senón que tamén impulsa un envellecemento activo e saudable. Neste sentido, animou aos asistentes a aproveitar as diferentes iniciativas que a Xunta pon á súa disposición, como programas pioneiros como Benestar en Balnearios ou o Carné +65, que ofrece beneficios e descontos.
O xerente explicou que o benestar e a atención das persoas maiores son unha prioridade para o Goberno galego, buscando dar resposta ás súas necesidades e preferencias. Recalcou que a Xunta promove recursos e servizos adaptados ao territorio para facilitar que os maiores permanezan na súa contorna recibindo coidados de calidade.
