Dous terremotos con epicentro en Tordoia sacudiron esta madrugada boa parte da comarca. O Instituto Geográfico Nacional (IGN) detectou os movementos ás 05:31 e ás 05:50 horas. A intensidade destes sismos acadou os 3,3 e 2,3 graos na escala de Richter.
Ambos os movementos tiveron unha profundidade de 3 quilómetros. A enerxía do primeiro sismo alcanzou o grao III-IV, un nivel de intensidade que, segundo o IGN, puido espertar a algunhas persoas debido á vibración ou ao ruído que produciron vaixelas, cristalarías, fiestras ou portas.
Segundo as primeiras informacións, os temblores sentíronse en varias localidades da zona, como Carballo, Coristanco, A Laracha, Cerceda, Portomouro, Val do Dubra ou Carral. Tamén se percibiron en áreas máis afastadas como Santiago ou Arteixo.
