A evolución do lume era favorable durante as últimas horas, pero a reactivación dun dos seus flancos levou ás autoridades a declarar a Situación 2 como medida preventiva, debido á proximidade das chamas aos núcleos de poboación de Cruxeiras de Abaixo e Sobrerribas.
O lume iniciouse ao redor das 16:00 horas nunha xornada marcada polas altas temperaturas e mobilizou un amplo dispositivo de extinción, coa participación de numerosos medios terrestres e aéreos da Xunta e do Goberno central.
A columna de fume foi visible dende distintos puntos da área de Santiago de Compostela. Ademais, o incendio obrigou ao desaloxo preventivo dunha vivenda con tres residentes, mentres os equipos de emerxencia realizaban labores de protección e refresco na zona.
O alcalde de Padrón, destacou o importante despregamento de medios para combater as chamas e sinalou que a complicada orografía do terreo está a dificultar as tarefas de extinción. Tamén se rexistraron cortes de subministro eléctrico e problemas de cobertura móbil nalgunhas parroquias afectadas.
