A administración autonómica tomou esta medida preventiva ante a cercanía do lume ás poboacións de Cruxeiras de Abaixo e Sobrerribas. A decisión prodúcese tras unha reactivación dun flanco do incendio, que afecta xa unhas 180 hectáreas, segundo as últimas estimacións.
O lume orixinouse este venres, nunha xornada marcada por temperaturas elevadas para a época do ano, superando os trinta graos nalgúns puntos de Galicia. A Xunta xa activara o nivel de alerta 3 (vermello) por episodio de calor na zona isoclimática do interior de Pontevedra e nivel de alerta 2 (laranxa) nas zonas isoclimáticas do noroeste e o interior da Coruña.
Aínda que o incendio presentaba unha evolución favorable para a súa estabilización, a reactivación dun flanco complicou a situación, elevando a superficie afectada en 80 hectáreas respecto a primeira hora da mañá.
