A mellora da infraestrutura sanitaria beneficiará a preto de 9.000 veciños e implicará unha achega do 50% por parte da Xunta de Galicia e do Concello de Vilanova de Arousa. O investimento total ascende a 304.000 euros.
As obras centrarase na mellora da impermeabilización e illamento térmico das cubertas e terrazas, así como na substitución das carpinterías exteriores e a renovación dos revestimentos interiores. Tamén se actuará na fachada coa renovación do sistema de evacuación de augas.
O conselleiro Gómez Caamaño destacou a boa coordinación entre ambas administracións para ofrecer instalacións máis seguras, funcionais e sostibles. A vixencia do convenio estenderase ata decembro de 2029.
Esta actuación súmase a outras melloras realizadas no centro nos últimos anos, cun investimento acumulado superior aos 64.000 euros entre 2017 e 2024. A Xunta sinalou que este proxecto forma parte dun plan máis amplo de modernización da atención primaria en Galicia, que supuxo máis de 162 millóns de euros para a construción ou reforma de 138 centros de saúde.
O titular de Sanidade tamén mencionou o Plan de mellora da atención primaria que se presentará proximamente, enfocado en reducir a carga administrativa dos profesionais, optimizar axendas e mellorar as condicións laborais.
