Este proxecto, cualificado como "único e pioneiro en Galicia", busca obter unha radiografía completa dos adultos maiores das sete parroquias de Sanxenxo. O obxectivo principal é analizar a súa condición física, estado cognitivo e rede social, ademais de desenvolver unha aplicación web para un seguimento individualizado.
“"Este estudo vainos ser de gran utilidade. Temos que comezar a traballar antes da aparición da dependencia e queremos que Sanxenxo sexa referencia non so en Galicia, senon tamén en España."
O estudo, que terá unha duración de 12 meses, centrarase nunha poboación significativa, xa que os maiores de 65 anos representan o 26,09% dos habitantes de Sanxenxo, sumando un total de 4.758 persoas. A investigación busca mellorar a atención e responder ás necesidades específicas deste colectivo.
“"Os maiores de 65 anos somos unha parte importante da poboación de Sanxenxo. Concretamente o 26,09%, 4.758 persoas que se inclúen neste estudo e do que se trata é de mellorar a súa atención e responder mellor ás súas necesidades."
Un catedrático da Universidade de Vigo, con máis de 25 anos de experiencia traballando con maiores en Sanxenxo, explicou que o perfil das persoas maiores do municipio é moi diverso, abarcando tanto zonas urbanas como rurais. Durante os próximos meses, o equipo de investigación realizará visitas "porta a porta" e aos centros de xubilados para ampliar a mostra e adaptarse ao contexto social cambiante dos maiores.
