O suceso tivo lugar cando o local permanecía pechado ao público. Segundo informou o Concello de Sanxenxo, as chamas iniciáronse na zona da cociña e propagáronse rapidamente debido a que a construción estaba composta maioritariamente por madeira.
O aviso recibiuse arredor das seis da mañá. A intensidade do lume obrigou a un despregamento coordinado de efectivos de Emerxencias Sanxenxo, os Bombeiros do Salnés, a Policía Local e a Garda Civil, que traballaron para extinguir o incendio e evitar que se estendese a outras áreas do areal.
As autoridades competentes abriron unha investigación para esclarecer as circunstancias exactas do incidente. Aínda que as primeiras hipóteses apuntan á cociña como foco inicial, non se facilitaron máis detalles sobre a orixe do lume.
