O acordo, que se desenvolverá entre os anos 2026 e 2027, contempla unha achega autonómica superior aos 1,1 millóns de euros, o que supón o 70 % do custo total da actuación. O resto do investimento será asumido pola institución provincial e o goberno municipal.
O obxectivo principal desta intervención é a modernización das instalacións, mellorando a súa accesibilidade, eficiencia enerxética e servizos. Con estes cambios, o mercado busca obter o distintivo de Mercado Excelente, integrándose na rede autonómica que xa conta con outros cinco espazos certificados en Galicia.
Esta actuación enmárcase no plan estratéxico para o comercio galego, que ten como meta acadar 25 mercados certificados antes de rematar a década. Ademais, o proxecto complementa outras iniciativas de dinamización comercial que se están a levar a cabo no casco histórico de Ribadavia, como o programa Vilas Vivas.
