O director de Turismo de Galicia, Xosé Merelles, xunto ao delegado territorial da Xunta en Ourense, Manuel Pardo, asistiu á celebración en Ribadavia. A festa, que se desenvolve do 28 ao 30 de agosto, transforma o casco histórico e a antiga xudería nunha vila medieval.
A iniciativa combina recreación histórica, artesanía, gastronomía e cultura sefardí, contribuíndo a proxectar a identidade de Ribadavia e a atraer visitantes. Declarada Festa de Interese Turístico Nacional en 1997, a Festa da Istoria é un exemplo de como estas celebracións diversifican a oferta turística e proxectan Galicia como un destino auténtico, en liña coa Estratexia de Turismo de Galicia 2030.
Esta celebración prodúcese nun contexto de crecemento turístico na provincia de Ourense, que neste 2026 suma case 200.000 viaxeiros, cun aumento superior ao 20% no mercado internacional respecto ao ano anterior.
