O evento, que tivo lugar no local social de A Madalena, no Barrio Xudeu de Ribadavia, permitiu aos participantes valorar a cegas 21 marcas de viño, das cales 14 eran brancas e 7 tintas. Esta actividade, unha das máis agardadas polos asistentes, celebrouse durante a tarde do venres e todo o sábado.
Na categoría de viños brancos, o primeiro premio foi para Ramón do Casar Treixadura 2025, mentres que Alberte 2025 acadou o segundo posto. No que respecta aos viños tintos, Cunqueiro 2025 foi o único galardoado nesta edición da cata.
“"Agradecemos a participación de todos os produtores presentes, que ano a ano apoian este evento promocional, así como o labor realizado por parte dos traballadores do C.R.D.O. Ribeiro e do Concello de Ribadavia para levar a cabo esta nova edición."
Ademais dos viños, tamén se recoñeceu aos mellores catadores. Unha participante de Vigo foi premiada como a mellor catadora de viños brancos, e un participante de Ourense como o mellor catador de viños tintos, distincións que se outorgan a quen máis se achega aos resultados finais da cata.
O alcalde de Ribadavia sumouse ás felicitacións e agradecementos, destacando o traballo dos voluntarios durante os tres días da feira e o bo comportamento dos visitantes, que consolidan este evento como unha cita indispensable no calendario vitivinícola anual.
