O base do Marín Peixegalego, coñecido pola súa excepcional capacidade para roubar balóns, consolidouse como unha das figuras máis destacadas da tempada 2025-26. Chegado do Obradoiro Ames o pasado verán, o xogador santiagués completou a súa primeira liga co equipo de Marín cun rendemento sobresaínte, liderando as estatísticas en anotación, asistencias e valoración, ademais de ser o mellor recuperador de balóns da competición, cunha media de 2,5 por partido.
“"Foi algo que comezou un compañeiro nun partido. Supoño que lle chamou a atención a miña actitude defensiva. Desde pequeno sempre destaquei por roubar moitos balóns. Houbo un encontro no que recuperei bastantes e empecei a escoitar desde o banco ao meu compañeiro ladrando. Supoño que os demais foron collendo o costume e uníronse."
Esta peculiar forma de recoñecemento, que comezou de forma espontánea por parte dos seus compañeiros, converteuse nunha tradición que o xogador xa asimilou. A pesar de ter que conter o riso nalgúns momentos, valora positivamente esta dinámica, xa que fomenta un bo ambiente e relación entre os membros do equipo.
O equipo de Marín enfróntase este sábado, ás 20:00 horas, no pavillón da Raíña, ao partido de ida da final polo título de Conferencia contra o Zornotza. O gañador desta eliminatoria a dobre volta obterá o pase directo á fase final de ascenso, mentres que o perdedor terá unha segunda oportunidade a través dunha repesca.
“"Sabemos que o nivel do Zornotza está por riba do de calquera rival ao que nos enfrontamos no noso grupo. Iso pode axudarnos a ter menos presión, xa que eles parten como favoritos."
A pesar de recoñecer a fortaleza do rival, que só perdeu un partido na tempada regular, o xogador destaca que este tipo de encontros son os que motivan e fan sentir profesionais. Afrontan o desafío sen medo, conscientes de que a concentración no rebote será clave ante un equipo con xogadores de gran envergadura.
A tempada regular superou as expectativas tanto para o equipo como para o xogador a nivel individual. O bo ambiente no vestiario e a rápida adaptación foron fundamentais para o seu rendemento, que el mesmo considera o mellor da súa carreira. Ademais, o xogador é licenciado en Matemáticas, unha formación que compaxinou co baloncesto grazas ao apoio dos seus clubs e adestradores, e que podería aplicar no futuro ao análise estatística deportiva.
