A Federación Española de Baloncesto fixo público o calendario oficial para a campaña 2026-27. Tras completar a súa participación na fase inicial da Copa FEB, o equipo marinense centrarase na competición ligueira, que se estenderá ata o 18 de abril, data na que pecharán a fase regular tamén como locais ante o Círculo de Xixón.
O inicio do campionato preséntase esixente para o cadro azul. Despois do debut na Raña, o equipo deberá desprazarse a Carballo para enfrontarse ao Xiria na segunda xornada. A terceira semana de competición traerá a visita do CB Tormes USAL Avenida, un dos rivais sinalados como candidatos ao ascenso.
O calendario tamén contempla dous paróns significativos na competición: o primeiro durante as festas de Nadal, entre o 20 de decembro e o 10 de xaneiro, e o segundo coincidindo coa Semana Santa, a finais de marzo. Ao remate da liga regular, os mellores clasificados disputarán as eliminatorias polo ascenso.
