O evento contará con 22 carpas individuais, 17 de 55m² e 5 de 33m², ocupando todo o largo da Alameda. Os establecementos participantes ofrecerán descontos de ata o 50% en produtos de moda (home, muller, infantil), lencería, complementos do fogar, calzado, deportes, bisutería, papelería, material escolar e xoguetería.
O horario de apertura será de 11:00 a 14:00 e de 18:00 a 22:00, pechando o domingo ás 21:00. A entrada será gratuíta.
O Concello de Marín colabora asumindo parte dos custos da montaxe e da vixilancia nocturna.
Como incentivo á compra, o domingo ás 19:30 realizarase un sorteo presencial de 700€ en tarxetas regalo, divididos en 14 vales de 50€ canxeables nos stands participantes. O gasto deberá efectuarse durante a feira e non se devolverá cambio dos vales.
Ademais, repartiranse bolsas reutilizables da campaña “Comercio Compensa” da Xunta de Galicia, que promove un consumo responsable. A entrega requirirá un xustificante de compra mínimo de 10€, ata fin de existencias.
O sábado, de 19:00 a 21:00, o club de fidelización “Comercio de Marín” repartirá cucuruchos de palomitas previa presentación de xustificante de compra.
O evento conta coa cofinanciación da Xunta de Galicia e o agradecemento do Concello pola súa predisposición e colaboración.
