O home arrestado este luns en Cangas por supostamente agredir a outro cun machete no marco dunha riña familiar quedou en liberdade. A xuíza de garda do Tribunal de Instancia de Cangas decretou a súa posta en liberdade, mentres se lle investiga por un delito de lesións.
Os feitos ocorreron arredor das 15:00 horas na Rúa de Bastón, no barrio da Madalena. A Policía Local recibiu o aviso e desprazouse ao lugar, onde localizou ao presunto agresor. A vítima, que presentaba feridas visibles na cabeza e nas extremidades, foi atendida polo 061.
No interior da vivenda onde se produciron os feitos, atopouse o machete co que, supostamente, se realizou a agresión. A discusión familiar tería xurdido polo coidado dun parente de avanzada idade.
