A sección segunda da Audiencia de Pontevedra xa condenara previamente ao home por un delito de tráfico de drogas, impoñendo ademais da pena de cárcere unha multa de 200 euros.

O acusado presentara varios recursos ante o alto tribunal galego. Alegaba unha posible ruptura na cadea de custodia da droga aprehendida e, de forma subsidiaria, solicitaba a aplicación dunha circunstancia atenuante por drogadicción.

O TSXG, na súa resolución, sinala que, aínda que se detectou unha "diverxencia" no número de envoltorios de droga incautados, esta circunstancia non chegou a supoñer unha quebra na cadea de custodia. Ademais, recorda que un axente da Garda Civil non só presenciou o momento do pase da droga, senón que tamén o gravou.

En canto á atenuante por drogadicción, o tribunal aclara que, malia que o home acreditou un consumo habitual de estupefacientes, non se puido demostrar que este consumo afectase as súas facultades intelectivas ou volitivas no momento dos feitos que motivaron a condena.