Este venres, o Centro Socio Cultural de Marín comezará a súa actividade, marcando a inauguración dunha infraestrutura cultural longamente esperada. A apertura de portas está prevista para as 16.45 horas.

O acto inaugural contará coa presenza de diversas autoridades, tanto das administracións que contribuíron ao financiamento da obra como de representantes de asociacións culturais, veciñais, sociais, comerciais, comunidades de montes e do tecido educativo e social da localidade.

Para garantir a participación de todos os colectivos, reservaranse dous asentos para cada un deles. O resto do aforo, que ascende a un total de 500 butacas, estará dispoñible para o público xeral por orde de chegada.