A Deputación de Pontevedra destinará 200.000 euros á renovación do abastecemento e saneamento na rúa Noria, en Cangas de Morrazo. O anuncio foi realizado polo presidente da Deputación, Luis López, tras a aprobación pola Xunta de Goberno.
Estes fondos proceden do Plan +Provincia 2026-2027, que conta cun orzamento de 85 millóns de euros este ano. O plan está deseñado para apoiar a concellos de menos de 50.000 habitantes en investimentos, gasto corrente e contratación de persoal.
O proxecto na rúa Noria inclúe a substitución total da rede de saneamento, a instalación dunha nova liña de abastecementos de maior sección, a ampliación da rede de pluviais e a posterior repavimentación e sinalización da vía. Tamén se refarán e conectarán as acometidas dos edificios e executarase un novo tramo de conexión de pluviais entre a rúa Atranco e o camiño de Reboredo.
“"Como todas as semanas seguimos avanzamos no reparto dos 85 millóns de euros cos que conta este plan, que é unha peza vital para que a nosa provincia siga mellorando e se poidan prestar servizos públicos de calidade."
