A voz de alarma deuna un particular minutos despois das 18:00 horas, alertando de que a persoa, que adoita bañarse na zona, levaba tempo sen ser vista e que existía a posibilidade de que non puidese saír da auga por si soa.

Tras o aviso, o Centro Integrado de Atención ás Emerxencias (CIAE) 112 Galicia mobilizou diversos medios. Solicitouse a intervención de Salvamento Marítimo, do Servizo de Gardacostas de Galicia, da Garda Civil, da Policía Local e do Servizo Municipal de Protección Civil de Cangas.

Como parte do dispositivo, Salvamento Marítimo desprazou o helicóptero de rescate Pesca I, pertencente ao Servizo de Gardacostas de Galicia. Tamén se sumaron embarcacións da Garda Civil ás tarefas de procura.

Os equipos de emerxencia están a rastrexar a zona por terra, mar e aire na procura da persoa desaparecida, coa esperanza de localizarla canto antes.