Fontes da Deputación da Coruña confirmaron a EFE a medida de precaución, que tamén se estendeu a un establecemento hostaleiro próximo ao complexo monástico. A institución provincial, propietaria do cenobio, indicou que non hai "fogo nin fume preto" da instalación.
A primeira estimación da Xunta de Galicia apuntaba a unhas oito hectáreas afectadas, pero os datos actualizados antes do mediodía elevaban a superficie arrasada a unha vintena de hectáreas neste espazo protexido.
A Administración autonómica informou de que para a extinción das chamas se mobilizaron tres axentes, catro brigadas, catro camións motobomba e unha pa mecánica.
Noutro punto do municipio da Capela, permanece controlado outro incendio orixinado na madrugada do domingo. Este foco queimou unhas trinta hectáreas e requiriu un operativo de maior envergadura con dous técnicos, quince axentes, veinticuatro brigadas, vinte e seis camións motobomba, unha pa mecánica, tres helicópteros e dous avións.
