O suceso tivo lugar pasadas as 19:00 horas, cando o 112 Galicia recibiu múltiples chamadas alertando do impacto e solicitando asistencia urxente para o ciclista, quen se atopaba inconsciente no lugar do accidente.

Ante a gravidade da situación, o Centro Integrado de Atención ás Emerxencias de Galicia mobilizou aos profesionais de Urxencias Sanitarias de Galicia-061. Estes despregaron un helicóptero medicalizado con base en Santiago para evacuar ao ferido por vía aérea a un centro hospitalario de referencia.

Ademais da colisión, o vehículo implicado no accidente comezou a arder tras o impacto. Afortunadamente, non había ninguén no seu interior nese momento, pero o coche quedou totalmente calcinado. Para extinguir as chamas, interviñeron os Bombeiros de Ponteareas, co apoio de efectivos do distrito forestal da zona e voluntarios de Protección Civil Oitavén-Tela. O operativo completouse coa presenza de axentes da Garda Civil de Tráfico.