O programa, financiado pola Xunta de Galicia e o Fondo Social Europeo Plus (FSE+), busca combater o desemprego xuvenil e impulsar a inserción laboral na localidade. A inscrición está aberta ata o vindeiro mércores 12 de agosto.
A iniciativa combina formación teórica con un contrato de traballo de 12 meses, percibindo os participantes o Salario Mínimo Interprofesional (SMI) dende o primeiro día. O programa beneficiará a 16 persoas desempregadas menores de 30 anos e está previsto que comecen as actividades en setembro.
O proxecto estrutúrase en dúas especialidades: "Dinamización Turística", que require título de Bacharelato ou equivalente, e "Dinamización Socioeducativa, Lecer e Tempo Libre", para a que se esixe a ESO ou FP Básica. Ambas as especialidades ofrecen oito prazas cada unha.
Para participar, os candidatos deben ser menores de 30 anos, estar en situación de desemprego, inscritos como demandantes no Servizo Público de Emprego de Galicia e ter activo o perfil no Sistema Nacional de Garantía Xuvenil. Deben dirixirse á Oficina de Emprego de Ponteareas.
“"Supón unha oportunidade de ouro para fixar e potenciar o talento da nosa mocidade sen que teñan que marchar fóra. Damos un emprego digno e remunerado dende o primeiro minuto a 16 mozos da vila, ao tempo que incorporamos profesionais cualificados para dinamizar dous sectores estratéxicos como son o noso turismo e as actividades socioeducativas e de lecer."
