Xosé Prada Martínez, recoñecido escritor e figura vinculada ao ámbito xudicial, presenta hoxe a súa nova obra literaria. Aos seus 82 anos, Prada Martínez, natural do Carballiño, reune nun volume 28 relatos que xorden da súa dilatada experiencia como procurador dos tribunais.
A maioría destas historias beben directamente de acontecementos e casos relacionados co mundo xudicial, aínda que o autor aclara que se lles deu unha volta, modificando nomes e localizacións para protexer a identidade das persoas implicadas. Só un dos relatos é puramente ficticio, mentres que os demais parten de feitos reais, algúns con máis dunha década de antigüidade.
A ambientación principal dos contos é O Carballiño, aínda que algúns sucesos orixináronse noutras comarcas como O Ribeiro ou Pontevedra. Prada Martínez decidiu situar estas narracións na vila ourensá para implicar á comunidade local.
Segundo o autor, as historias combinan elementos de drama e comedia. Aínda que algúns relatos teñen desenlaces menos afortunados, todos inclúen algún matiz divertido, reflectindo a natureza dos acontecementos ou como lle foron contados. Prada Martínez sinala que a profesión xudicial ofrece material para narrativas "moi choqueiras", aínda que algunhas son de carácter técnico e non aptas para o público xeral.
“"A nosa profesión da lugar para moitas historias. Hai asuntos que son moi choqueiros, pero algúns son técnicos, que sirven para contar só entre curia, e outros non se poden contar."
A presentación do libro terá lugar hoxe ás 19:00 horas na Libraría Escolma, onde amigos do autor participarán lendo fragmentos da obra para incentivar a súa lectura.
