Estas xornadas, dirixidas a pacientes, familiares, persoas coidadoras e a cidadanía en xeral, desenvolveranse os días 7, 14, 21 e 28 de maio no centro cultural Lustres Rivas. O horario establecido para todas as sesións é de 16.30 a 20.00 horas.
“"Un ano máis, poñemos en marcha estas xornadas que buscan mellorar a calidade de vida da nosa cidadanía poñendo o foco na saúde mental e nas emocións para ir máis alá do físico para levar un estilo de vida saudable. Todo inflúe, polo que, para acadar o benestar é necesario un equilibrio entre corpo, mente e emocións. Parécenos moi interesante esta proposta, especialmente, para coidar a quen coida que, moitas veces, queda nun segundo plano para estar a carón do paciente."
A coordinadora de Servizos Sociais, Francisca Vidal, subliñou o éxito continuado deste ciclo de actividades e confirmou que os participantes recibirán unha certificación oficial de asistencia.
O programa comezará o 7 de maio cun obradoiro sobre o coidado ao coidador, impartido por Marichel Costas, enfermeira da Estrutura Organizativa de Xestión Integrada da Coruña. O 14 de maio, Orlando Blanco, técnico do Servizo de Estilos de Vida Saudables e Educación para a Saúde da Consellería de Sanidade, abordará os estilos de vida saudables e o mindfulness. O 21 de maio, Damián Cairo, profesor de Música no Conservatorio Profesional da Coruña, dirixirá un obradoiro de musicoterapia. Finalmente, o 28 de maio, Ana Isabel Calvo, enfermeira da Dirección Xeral de Asistencia Sanitaria do Sergas, pechará o ciclo cunha sesión sobre seguridade e coidados no fogar.
As inscricións están abertas desde o 13 ata o 30 de abril. Os interesados poden apuntarse no departamento de Servizos Sociais Comunitarios, chamando ao 981 874 131, enviando un correo electrónico a servizossociais@ribeira.gal, ou a través da páxina web municipal www.ribeira.gal.
