A iniciativa, impulsada por Afundación a través do seu portal de voluntariado Actúa, congregou a trinta persoas o pasado sábado co obxectivo de preservar o alto valor ecolóxico deste espazo natural emblemático de Galicia.

Durante a xornada, os participantes lograron retirar un total de 45 quilos de plantas non autóctonas. Entre as especies eliminadas atopábanse 1.250 plántulas e pés de piñeiro, 1.752 exemplares de Conyza e 40 exemplares de Arctotheca calendula, sumando máis de 3.000 exemplares en total.

Ademais da eliminación de flora invasora, os voluntarios tamén levaron a cabo unha recollida de residuos, logrando retirar 10 quilos de lixo mariño da contorna da duna, contribuíndo así á limpeza e saúde do ecosistema costeiro.