A posta en funcionamento deste novo servizo asistencial cumpre co compromiso adquirido polo Goberno galego coa cidadanía. A nova unidade terá a súa base no concello de Ribeira.
O obxectivo principal desta medida é reforzar a asistencia sanitaria para máis de 75.000 veciños que residen nos municipios de Rianxo, Boiro, Ribeira, Porto do Son e A Pobra do Caramiñal.
Esta nova ambulancia medicalizada está deseñada para atender de forma máis eficaz as urxencias que requiren unha resposta rápida e especializada, mellorando os tempos de resposta e a calidade da atención na zona.
