A Fiscalía solicita unha pena de seis anos de prisión e unha multa de 43.724 euros para o acusado, que xa se atopa en prisión por tráfico de estupefacientes. O Ministerio Público atribúelle un delito continuado contra a saúde pública.
Segundo o relato fiscal, o home utilizaba unha escola unitaria abandonada como base para a súa actividade ilícita. Foi detido o 4 de decembro de 2025 por axentes da Garda Civil durante un rexistro no inmoble, onde tamén se atopaban outras persoas consumidoras.
Na intervención incautáronse diversas sustancias estupefacientes, entre elas cocaína, heroína, cannabis e MDMA, cuxo valor total foi taxado en 14.574,77 euros. Ademais, portaba 2.065 euros en efectivo, supostamente procedentes da venda de drogas, xunto con balanzas de precisión, unha pistola detonadora de fogueo e axendas con anotacións sobre vendas e débedas.
