O Instituto Galego da Vivenda e Solo (IGVS) destina 2,83 millóns de euros a esta iniciativa, cunha parte significativa reservada para os Camiños de Santiago (2,03 millóns) e outra para a Ribeira Sacra (800.000 euros). As subvencións poderán cubrir ata o 50% do custo subvencionable, podendo ascender ao 75% en casos de fogares con baixas rendas ou cando se mellore a accesibilidade.
Poderán solicitar estas axudas os propietarios, usufructuarios, comunidades de propietarios e agrupacións de propietarios de vivendas situadas dentro das ARI definidas. Un requisito fundamental é ter a calificación definitiva das obras xa concedida. A convocatoria deste ano céntrase nas áreas mencionadas, excluindo o ámbito das Illas Atlánticas.
As axudas xerais son de ata 12.000 euros por vivenda rehabilitada e ata 30.000 euros por vivenda nova construída en substitución dunha demolida. Tamén se contemplan achegas adicionais para locais comerciais en edificios colectivos e para inmobles BIC ou con protección integral.
O importe da axuda pode incrementarse ata o 75% do custo subvencionable para vivendas unifamiliares ou actuacións específicas cando os ingresos da unidade de convivencia sexan inferiores a tres veces o IPREM, ou para obras de accesibilidade en vivendas habitadas por persoas con discapacidade ou maiores de 65 anos.
As obras subvencionables inclúen reparacións estruturais, mellora da protección contra incendios, illamento de cubertas e fachadas, loita contra humidades e radón, renovación de instalacións, mellora da eficiencia enerxética, protección do patrimonio e, de forma destacada, obras de accesibilidade como ascensores ou eliminación de barreiras arquitectónicas. Os edificios deben estar rematados antes de 2006, salvo excepcións.
O prazo de presentación de solicitudes comezou o pasado 21 de agosto e estenderase ata o 30 de setembro, ou ata esgotar o crédito dispoñible. As axudas concédense por orde cronolóxica de entrada de expedientes completos, polo que se recomenda presentar a solicitude canto antes. O procedemento de solicitude é o VI408Q, que pode realizarse de forma electrónica ou presencial segundo o caso.
