O suceso tivo lugar ao redor das 13:30 horas na avenida de Ferrol, á altura do número 43, no municipio coruñés de Ribeira. Un particular alertou ao servizo de emerxencias 112 Galicia dunha colisión por alcance entre varios coches.
A central de emerxencias mobilizou os recursos necesarios, incluíndo profesionais do Servizo de Urxencias Sanitarias de Galicia-061, efectivos do GAEM, voluntarios de Protección Civil de Ribeira e axentes da Policía Local.
No lugar, confirmouse que tres vehículos se viron implicados no accidente. Como resultado do impacto, un home e unha muller que viaxaban nun dos coches precisaron asistencia sanitaria e foron evacuados ao hospital de referencia.
O fillo da parella, un bebé, tamén se atopaba no vehículo. Aínda que non foi trasladado inicialmente polos servizos de emerxencias, un familiar encargouse posteriormente de levalo ao centro sanitario.
