A publicación, editada polo propio Concello, afonda na riqueza histórica e patrimonial da parroquia de Tebra, destacando as vidas, conflitos e alianzas que moldearon o seu territorio ao longo dos séculos. A presentación tivo lugar no marco das festas de Santa María de Tebra.
O libro reúne dezaseis microhistorias froito dunha intensa labor de investigación de Suso Vila, que recupera episodios, personaxes e aspectos pouco coñecidos do patrimonio local. A obra busca achegar a historia de Tebra a públicos diversos, subliñando a súa identidade miñota e transfronteiriza.
A alcaldesa de Tomiño, Sandra González, sinalou que o libro permite "mirar Tebra con outros ollos" e comprender a importancia das súas "séculos de historias, relacións humanas e vínculos a ambos lados do Miño", devolvendo á veciñanza unha parte importante da súa memoria.
A obra pon de relevo o protagonismo de mulleres como María Fernandes de Meira ou Juana de Sousa, que tiveron un papel relevante na fortaleza nun contexto onde o poder feminino a miúdo quedaba fóra dos relatos históricos.
A publicación inclúe tamén fotografías de Suso Vila, Christian Villaverde e Uqui Permui, ademais de ilustracións de Marco Santos, que reforzan o carácter divulgativo do volume.
Coa edición deste libro, o Concello de Tomiño reafirma o seu compromiso coa investigación, conservación e difusión do patrimonio local.
