Esta decisión chega despois de que a alcaldesa, Cristina Correa (PP), asegurase que o goberno local cumpriría coa resolución xudicial. O requirimento, datado o 31 de marzo e ao que tivo acceso Europa Press, foi emitido en "estrito cumprimento" da dilixencia xudicial do 12 de marzo, tras o auto do 23 de febreiro.
Con todo, fontes próximas ao procedemento sinalan que este requirimento non especifica un prazo concreto para levar a cabo o derrubamento nin contempla sancións en caso de incumprimento.
Resulta especialmente significativo que dito requirimento non establece ningún prazo concreto para a súa execución, nin contemple sancións en caso de incumprimento, nin tampouco faga referencia á paralización da actividade, a diferenza do que habitualmente se esixiría en calquera outro establecemento en situación irregular con orde xudicial de demolición.
A pesar de que o Concello recorrerá esta orde, a alcaldesa xa manifestara a Europa Press a súa intención de acatar o mandato xudicial, subliñando que a maioría dos veciños do municipio defenden a continuidade do complexo.
