O estrés, as emocións e as experiencias cotiás deixan unha pegada no corpo. Aprender a recoñecer estes sinais e comprender a conexión entre o que sentimos e o noso benestar será o eixo central da nova sesión da Escola da Saúde do Rosal. A charla, titulada O corpo fala. Comprender a relación entre emocións, estrés e saúde, celebrarase o venres 9 de outubro ás 19.00 horas no Centro Social Polivalente.
Marta Colom, terapeuta somática, será a encargada de conducir o encontro. Afondará en como as emocións e as situacións de estrés se relacionan coas respostas do corpo, ofrecendo unha oportunidade para prestar atención aos sinais físicos e emocionais e coñecer os factores que inflúen no benestar.
“"Coa Escola da Saúde queremos poñer ao alcance da veciñanza información e ferramentas que nos axuden a coidarnos e a entender mellor o noso propio benestar. A saúde abrangue moitos ámbitos da nosa vida e esta programación permítenos achegarnos a eles da man de profesionais e dunha forma accesible e próxima."
“"Crear espazos nos que a veciñanza poida achegarse a cuestións relacionadas coa saúde desde unha perspectiva práctica e divulgativa. Queremos que cada encontro deixe aprendizaxes que as persoas poidan trasladar ao seu día a día e que abra tamén un espazo para resolver dúbidas e reflexionar sobre como nos coidamos."
A iniciativa, impulsada polo Concello do Rosal no marco da Red Española de Ciudades Saludables (RECS), busca consolidar a súa programación con propostas que abordan diferentes dimensións do benestar físico e emocional, achegando á cidadanía coñecementos e recursos para o coidado da saúde e a mellora da calidade de vida.
