A detención produciuse cando axentes da Garda Civil observaron un comportamento nervioso e evasivo no individuo, que baixara dun vehículo. Inicialmente, o home afirmou non ter ningunha documentación.

Tras solicitarlle que baleirase os petos, os axentes localizaron o seu documento de identidade. A consulta posterior na base de datos policial revelou a existencia dunha orde internacional da Interpol para a súa extradición por homicidio doloso.

Ao ser informado da orde, o detido intentou fuxir a carreira, o que desencadeou unha persecución que rematou coa súa captura. Por este motivo, a Garda Civil imputoulle tamén delitos de resistencia e desobediencia á autoridade.

O Tribunal de Instancia e Instrución número 3 de Tui decretou o ingreso en prisión do arrestado, quen permanecerá alí á espera de que se resolva a súa posible extradición ao país que o reclama.