Santiago Freire, quen foi alcalde de Noia entre 2016 e o pasado 11 de agosto de 2025, cando foi desbancado por unha moción de censura, abandona o seu posto como concelleiro. A súa renuncia formalizarase na sesión plenaria que se celebra esta tarde.
Freire, que tamén ostenta o cargo de portavoz do PP de Noia, non concorrerá á alcaldía nas eleccións municipais previstas para 2027. A súa saída da corporación prodúcese despois de ser nomeado director territorial da Consellería de Educación na provincia da Coruña o pasado 17 de marzo.
