A orde, con data do 30 de xullo e publicada no DOG o 19 de agosto de 2025, detalla o procedemento BS623C, denominado “Inclusión Social e loita contra a pobreza”. O obxectivo principal destas axudas é fomentar a inclusión activa, promover a igualdade de oportunidades, a non discriminación e a participación activa, ademais de mellorar a empregabilidade, especialmente para os colectivos desfavorecidos.
A operación está cofinanciada parcialmente polo Fondo Social Europeo Plus (FSE+) a través do programa FSE+ Galicia 2021-2027. O resultado esperado destas iniciativas é a mellora da inclusión socio laboral de persoas que se atopan en situación ou risco de exclusión social dentro do municipio.
