O obxectivo da iniciativa é fomentar a participación cidadá durante o período estival. Unha unidade móbil da Axencia estará estacionada na zona portuaria, xunto á lonxa, en horario de mañá e tarde para facilitar a doazón de todos os veciños e veciñas.
Esta campaña achegará a doazón a máis de 170 concellos galegos ata finais de agosto, coa meta de obter ao redor de 22.000 doazóns de sangue. A Axencia lembra a necesidade diaria de 400 doazóns para garantir o abastecemento hospitalario, unha cifra que se mantén nos meses de verán, un período sensible pola deslocalización dos doantes habituais.
“"O seu xesto solidario contribúe ao posibilitar o tratamento de moitos doentes atendidos no noso sistema público de saúde."
Os participantes na campaña de verán recibirán un agasallo, como unha almofada ou un balón de praia. Ademais, instalarase un espazo que simula unha típica terraza de verán, onde os doantes poderán inflar un globo como símbolo do aire que supón unha transfusión para moitos doentes.
A iniciativa busca chamar a atención sobre a necesidade de doar mesmo no verán e durante as vacacións, lembrando a presenza das unidades móbiles en municipios de costa e eminentemente vacacionais.
A Axencia agradece a implicación da corporación municipal e o compromiso dos veciños e veciñas do Porto do Son. No pasado 2025, este municipio acadou 284 doazóns, cunha taxa de 31 por cada 1.000 habitantes, inferior á media galega (39/1.000), polo que se busca incrementar a participación veciñal.
Convídase a toda a cidadanía a participar. Pode doar sangue calquera persoa maior de 18 anos, que pese máis de 50 quilos e non padeza enfermidades transmisibles polo sangue.
Para máis información, ADOS dispón do sitio web ados.sergas.gal, redes sociais e o teléfono gratuíto 900 100 828.
