A música foi a protagonista principal deste evento xa consolidado, que reuniu na capital outiense a recoñecidos artistas como Unto Vello, Broken Peach, 9Louro e o Grupo Cayenna. A oferta cultural completouse co espectáculo Circo de lume, a cargo da compañía Asacocirco, que engadiu un toque de maxia e emoción á velada.

Ademais das propostas artísticas, a celebración contou cunha polbeira que complementou a experiencia gastronómica dos asistentes. O festival tamén pensou nos máis pequenos coa iniciativa Pampallín miúdo, un espazo dedicado a eles con inchables, xogos tradicionais, espectáculos circenses e música urbana coa actuación de Kid Mount.

Este evento festivo recibiu o apoio institucional da Xunta de Galicia, a Deputación da Coruña e o Concello de Outes, ademais da colaboración de diversas entidades como Protección Civil, Adisbismur, a Asociación A Riola de Outes, a Asociación de Veciños Pontenafonso e a ADC Esteirana de Carrilanas, garantindo así o seu éxito e desenvolvemento.