Tras o rexistro da moción de censura, a lei orgánica 5/1985 do réxime electoral xeral, no seu artigo 197, determina que a sesión plenaria debe convocarse automaticamente para as 12:00 horas do décimo día hábil seguinte á súa presentación. Esta normativa impide calquera adianto da data, confirmando o 7 de maio como o día da votación.

Antes desta importante cita, o Concello de Lugo acollerá outro pleno de carácter ordinario o 30 de abril. Espérase que nesta sesión se aborden os últimos asuntos de xestión do actual goberno local, incluíndo posibles créditos para o pago de facturas pendentes.