A iniciativa, que se desenvolve durante a fin de semana, contará cunha carpa situada na rúa Raíña, xunto á igrexia da Nova. Alí, os asistentes que acudan vestidos de romanos ou castrexos poderán levar de recordo unha fotografía do momento.
Ademais da imaxe, os participantes poderán inscribirse nun sorteo de agasallos grazas á colaboración do Concello de Lugo e diversas entidades locais. Entre os premios figuran xamóns, lotes de embutidos e tarxetas de compra para utilizar en establecementos da cidade e no centro comercial As Termas.
A carpa permanecerá aberta o venres, sábado e domingo, en horario de 17.00 a 20.00 horas. O obxectivo principal desta acción é fomentar a participación cidadá e contribuír ao ambiente festivo que caracteriza esta cita histórica, convertida nun elemento de identidade para a capital lucense.
