O obxectivo desta actuación é mellorar a seguridade no uso desta vía. A licitación chega despois de anos de reclamacións por parte do Partido Popular e tras a elaboración do proxecto por parte de EVISLUSA en 2017, que quedou sen executar.
O Partido Popular mantivo esta demanda durante a súa etapa na oposición, solicitando partidas nos orzamentos que o anterior goberno rexeitou. A mellora da rúa Virxe da Soidade tamén formou parte dos compromisos asumidos polo actual Goberno municipal.
O contrato conta cun orzamento base de licitación de 152.554,59 euros e o prazo de presentación de ofertas remata o 12 de novembro de 2026.
Esta actuación exemplifica o sentido do Lugo dos feitos, buscando dar continuidade ás demandas veciñais, desbloquear actuacións pendentes e avanzar con medidas concretas que melloren a seguridade e a vida diaria nos barrios.
