A iniciativa, que busca preparar á cidadanía para o evento astronómico, inclúe material que detalla o inicio e desenvolvemento do eclipse, os horarios previstos, os mellores puntos de observación e recomendacións sanitarias esenciais para previr danos oculares.
O reparto do material realízase a través dos concellos, asignando as cantidades en función do número de habitantes de cada municipio. Ademais, os dípticos incorporan un código QR que dirixe a un portal web específico habilitado pola institución provincial (eclipse.deputacionlugo.org), onde se atopan todos os detalles do fenómeno e recursos divulgativos.
“"Este fenómeno astronómico poderá verse dende a península ibérica tras máis de cen anos. A provincia de Lugo será un dos lugares máis privilexiados do mundo para observalo, xa que practicamente poderá contemplarse dende a totalidade dos concellos."
A presidenta da Deputación destacou a importancia deste evento, lembrando que Lugo se atopa nunha posición xeográfica privilexiada para a súa contemplación, sendo un dos mellores lugares a nivel mundial para presenciar este eclipse solar.
