A programación inclúe propostas adaptadas a diferentes idades co obxectivo de facilitar a aprendizaxe e o manexo das novas tecnoloxías. Para as persoas adultas, haberá un curso sobre manexo do ordenador, internet e edición de texto, os martes e xoves de 11:00 a 13:00 horas, e outro sobre manexo de teléfonos móbiles smartphone, os venres de 11:30 a 13:00 horas.
No público infantil, a Aula CeMIT ofrecerá diferentes actividades formativas deseñadas para achegar a informática aos máis pequenos dun xeito práctico e ameno. Estes cursos abordarán contidos como informática básica, internet seguro e edición de texto, entre outras actividades.
As actividades para a cativada terán lugar de luns a venres, con varios horarios para facilitar a conciliación familiar: os luns, mércores e venres de 16:00 a 17:30 e de 18:00 a 19:30 horas; os martes e xoves de 16:00 a 17:30 horas.
Os cursos terán lugar do 5 de outubro ao 18 de decembro e son de carácter gratuíto. As persoas interesadas poden inscribirse ou obter máis información chamando ao teléfono 986 61 18 50, escribindo a cemit.aguarda@xunta.gal, ou de forma presencial na Aula CeMIT ou na Biblioteca Municipal.
