Os dispositivos atópanse operativos no Museo Arqueolóxico de San Roque, o Museo Interactivo da Historia de Lugo (MIHL), a Sala Porta Miñá, o Centro de Interpretación da Muralla, a Casa dos Mosaicos e O Vello Cárcere.
A través dunha interface táctil, os usuarios poden consultar horarios, localizacións e recursos de cada centro. Ademais, os tótems permiten a descarga de contidos sobre rutas turísticas, o Camiño Primitivo e as ventás arqueolóxicas, así como a visualización de vídeos sobre o patrimonio local.
Estes equipos tamén ofrecen información actualizada sobre a axenda cultural da cidade, permitindo que tanto turistas como residentes poidan coñecer a programación de actividades dispoñible en cada momento.
