A estadounidense Kristin Williams é a nova peza para o Durán Maquinaria Ensino Lugo de face á tempada 2026-27. A xogadora, que chega procedente do baloncesto universitario estadounidense, converteuse este xoves na terceira incorporación do conxunto lucense.
Williams vivirá a súa primeira experiencia no baloncesto europeo tras concluír a súa traxectoria na Universidade de Coastal Carolina. Alí, disputou 32 partidos nos que acadou unha media de 13.1 puntos, 3.8 rebotes e 3.2 asistencias.
“"Estou moi contenta de chegar a España, moi emocionada por unirme ao proxecto do Ensino. Teño moitísimas ganas de coñecer ás miñas novas adestradoras e compañeiras."
A alero estadounidense súmase así ás xa confirmadas Andrea Vilaró, internacional española procedente de Perfumerías Avenida, e Mama Dembelé, que chega desde Araski, reforzando a plantilla do equipo da cidade de Lugo.
